KRUISIES VIR PAASFEES
Al ons personeel en inwoners het hierdie week die allermooiste spesiale kruisies ontvang. Ons inwoners het 400 kruisies gemaak en uitgedeel as deel van Paasfeesvieringe.
“My kruisie het ek teen my rekenaarskerm gesit waar ek sommer heeldag daarna kan kyk en aan julle kan dink. Meer nog, om my telkemale te herinner aan Ons Hemelse Vader se groot liefde vir jou en my. Dat Hy met Sy lewe aan die kruis vir my en jou sondes gesterf het. Deurdat julle die kruisie so mooi styf vasgebind het, simboliseer dit ook dat ons styf vasgebind ons aan ons Liewe Vader is. Baie dankie julle!” – personeellid by hoofkantoor
Wat ‘n besondere gebaar en betekenis en net so kosbaar omdat dit deur ons mense met soveel liefde gemaak is.
